Ruhun "Xəmsəsi"
Misir mifologiyasına əsasən insan ruhu 5 hissədən ibarətdir: ren, ba, şeut, ib, ka.
"Ba" ruhun şəxsiyyətini tərənnüm edən və insan öldükdən sonra da yaşamağa davam edən hissəsidir.
"Ba" özünü iki cür vasitə ilə tərənnüm edə bilər.
Birinci halda insan öldükdə onun Ba-sı bədənindən ayrılaraq Duata gedir (əgər yolda heç bir maneəyə rast gəlmirsə) və orada sonsuza qədər yaşayır. Əgər yolda o maneəyə rast gələrsə sonsuza qədər Gecə çayının sahilində mağaralarda qalaraq hüzur tapmayacaqdır.
İkinci halda insan yatarkən onun Ba-sı bədənindən ayrılaraq Duata getməyə çalışır. Çünki Duat Ba-ların məskənidir və insan daha çox yatarkən Duata yaxın olur. Əgər Ba bədəndən çox uzağa gedərsə geri gəlməyi bacarmır və insan yuxuda ölür.
Bu səbəbdən Maglar yatarkən adi yastıqdan istifadə etmirlər. Onlar üzərində qoruyucu dualar cızılmış xüsusi daş başlıqaltından istifadə edirlər. Lakin bu da yenə tam qoruyucu sayılmır. Belə ki, bu daha çox maglara Ba-nı səyahətə buraxıb-buraxmamaq qərarını sərbəst vermək üçün nəzərdə tutulur.
Ba bəzən də keçmişdə baş vermiş hər hansı bir hadisəni görmək üçün istifadə oluna bilir.
Ba xarici görünüşcə insan başlı quşu xatırladır. Bu baş əslində mənsub olduğu bədənin başıdır.
Ən güclü maglar və tanrılar Ba-larına istənilən xarici görkəmi verə bilirlər.
#percyjacksonazerbaijan #percyjackson #rickriordan #ba #xəmsə #xnum #apofis #Anybis #carter #sadie #misirmofologoyası #yunanmifologiyası #thor #magnuschase #annabethchase
